Paralinpikoen Berlingo Irekian izan da asteburuan Iñigo Llopis igerilari hernaniarra, Espainiako selekzioarekin, eta marka ezin hobeak egin ditu. Irailean Londresen jokatuko den Munduko Txapelketarako puntu-puntuan dagoela erakutsi du.
Hain zuzen, hiru errekor lortu ditu. Bata, Europako errekorra, 200 metro bizkar proban, 2:27.65eko denborarekin. Beste biak, Espainiako errekorrak; 200 metro libreetan 2:15.06 eginda, eta 400 metro libretan 4:39.26 eginda.
Munduko Serietako azkena izan da proba hau, eta orain, Espainiako Txapelketa eta Munduko Txapelketa prestatzeari ekingo dio.