Atzo hasi eta bihar arte, La linea invisible filmaren hainbat grabaketa egingo dituzte Hernaniko Osiñaga auzoan. Eta horren eraginez, bidea moztuko dute, Osiñaga bailararen zati batean.
Zehazki, Oianeder eta Loidi baserrian arteko bide zatia da moztuko dutena, eta gaur eta bihar, goizeko 08:00etatik iluntzeko 21:00etara egingo dira mozketak, Sentido Filmes produktorak eskatu duenez.
Hernaniko Udaltzaingoak jakinarazi du, produktoraren ardura izango dela bide mozketak egitea, eta hainbat baldintza bete beharko dituela: tarte horretan bizi diren herritarren irteera-sarrerak eta premiazko zerbitzuen pasabidea bermatu; bide mozketa seinalizatu eta kontrolatu; eta grabaketetan ari ez direnean, bidea zabalik mantentzen saiatu, besteak beste.
Gainera, zuzen-zuzenean jarri behar du harremanetan, eraginak jasango dituzten etxebizitzetako herritarrekin, bide mozketen egun eta ordu zehatzak jakinarazteko.