Bukatzeko ordu batzuk besterik ez dituzte falta Florida-Etxeberri auzoko Mendekoste jaiek, baina bada oraindik, zerekin gozatu.
Atzoko festa giroari jarraipena emango diote gaur, hasteko, gaztetxoenek, 11:00etan danborradan aterata. Ordu berean, meza nagusia ere izango da, hildakoen omenez. Ondoren, 12:30etan hasita, sagardo dastaketa egingo da, txarangak girotuta, eta 13:00ean festetako errifaren zozketa.
Atzo, berriz, giro ezin hobean ibili ziren haur, gazte, heldu eta jubilatu, eguraldiak lagunduta. Sagarado Bowl txapelketa berrian, adibidez, 26 taldetik gora aritu ziren, eta bingoan, auzo osoa elkartuta!
Festak bukatzeko azken traka eguerdiko 14:30etan botako da.