Gaur emango du azkenaurreko pausoa Promozio Txapelketak, Galarretan, 16:00etan hasiko den jaialdian. Bi semifinalak jokatuko dira, eta beraz, dagoeneko jakingo dugu, zein ariko diren datorren larunbatean, txapelketaren finalean.
Baina, zoritxarrez, ez da kantxara aterako Aritz Zubiri goizuetarra, gaurkoan. Sailkatuta zegoen, Azpirozekin batera, baina min hartuta dago goizuetarra, eta Goikoetxea V eta Aizpuru III ariko dira beraien partez, Juanenea eta Labakaren kontra. Jaialdiko laugarren partidua izango da hori.
Hirugarren partidua izango da, beste semifinala: Ansa II eta Arruarte ariko dira, Aldabe eta Larrañagaren kontra.