finalerdietara pasea jokatuko da asteburu honetan, Herriarteko Txapelketan, eskuzko modalitatean. Hernaniarrek atzo jokatu zituzten partiduak, Azpeitiaren kontra; Kronikaren erredakzioa ixteko orduan, oraindik jokatzen ari ziren, baina oso zaila zeukaten hernaniarrek, joanekoaren 3-0 emaitzari buelta ematea.
Kanporaketa hobeto daukatenak, astigartarrak dira; eta haien txanda izango da gaur. Etxetik kanpo jokatuko dituzte, Zestoaren kontrako bueltako partiduak, Zestoan bertan. Arratsaldeko 18:15etan hasiko dira partiduak.
Semifinaletara sailkatzeko asmoz joango dira astigartarrak, eta nahikoa arrazoi badute, horretan sinesteko. Izan ere, hiru partiduetatik bi irabazi zituzten joanekoan, 2-1 aldeko emaitza lortzeko etxean. Kadeteetan eta nagusietan lortu zituzten garaipenak, eta ez nolanahi: 22-7 irabazi zuten Ekain eta Eñaut Lizeaga anaiek, kadeteetan; eta 22-6 Harri Loidik eta Jokin Santxezek, nagusietan. Beraz, bi puntu horiek berriro eskuratu, eta lau onenen artean egoteko txartela ziurtatu nahi dute.
Hernanik zaila palaz, etxean 2-1 galdu ondoren
Palaz, berriz, ostegunean hasi zituen semifinalak, Hernanik. Eta etxean, ez zitzaizkien nahi bezain ondo joan gauzak, hernaniarrei. Hiru partiduetatik, bi galdu eta bakarra irabazi zuten. Eneko Lujanbiok 13-20 galdu zuen buruz buru; Aritz Arregik eta Mikel?Manterolak 5-20 galdu zuten binaka; eta irabazi egin zuen Mikel Urreagak, zazpi barruan (20-10).
Emaitza horiekin, zaila daukate hernaniarrek, finalerako txartela lortzea; bereziki, binakakoan jasotako porrota gogorrarengatik.