Gaur ere musika eguna izango da, Astigarragan. Noberto Almandoz musika eskolaren ikasturte amaierako kontzertu eta entzunaldiak ikusteko aukera egongo da, gaur eta hilabeteko zenbait egunetan. Kontzertu eta entzunaldi hauen protagonitak, Noberto Almandozeko musika eskolako ikasleak izango dira. Gaur, goizeko 10:30etan emango zaio hasiera, biolin taldeak eta tailerrak egiten, Noberto Almandoz musika eskolan bertan. 12:00etatik aurrera hainbat kontzertu egingo dira Joseba Barandiaran plazan.
Hilabete honetan, hainbat entzunaldi
Ekainaren 17an, 19an eta 20ean ere hainbat entzunaldi burutuko dira, denak Noberto Almandoz musika eskolan. Haien artean; zeharkako txirula, biolina, tronpeta eta bonbardinoa entzuteko aukera egongo da. Hilaren 17an, astelehena, arratsaldeko 19:00etan.
Asteazkenean, hau da, hilaren 19an, gitarra elektriko, baxu eta Jam Session entzunaldia, arratsaldeko 19:30etan.
Eta hilaren 20ean, osteguna, saxo, klarinete eta piano entzunaldiaz gozatzeko aukera ere izango da, arratsaldeko 19:00etan.