Harituz elkartearen eskutik, Sexu-indarkeriaren kontrako sareak ehuntzen jardunaldia burutuko dute hilaren 17an, Euskal Herriko Unibertsitatearen Udako Ikastaroen barruan.
Goizeko 09:00etan hasita, arratsaldeko 18:30ak bitarte luzatuko da jardunaldia, Udako Ikastaroen egoitzan, Miramar Jauregian.
Joan nahi duenarentzat, irekita dago izena emateko epea: www.uik.eus webgunearen bidez egin behar da.
?www.uik.eus? webgunean eman daiteke izena, ikastaroan.
Matazak egitasmoa, oinarrian
Harituz elkartearen Indarkeria Sexistaren Aurkako Matazak egitasmoa dago oinarrian, Astigarragatik sortua, eta mundu osoan zehar hedatu dena. Uda Ikastaro honek «urrats bat harago joan nahi du»: «ezagutzaren bidez konpromisoa haunditzeko emakumeek emakume izateagatik jasaten dituzten indarkeria mota guztien kontra.», azaldu dute antolatzaileek Udako Ikastaroen web-orrian.
Hainbat gonbidatu, astigartarrekin
Harituz elkarteko Isabel Oterorekin batera, bertan izango dira hainbat aditu: Irantzu Varela, Arantza Campos, Esperanza Bosch, Pilar Vicente de Foronda, Ruth Sicilia Torres eta Virginia Imaz. Sexu-indarkeriaren gaia aztertuko dute esparru profesional ezberdinetatik, gaiaren transberltsaltasuna islatuz.