Zer eskaintzen dizu egonkortasunak zure bizi erotikoan?
Emaztea aldamenean edukitzeak, segurtasuna, konfiantza eta plazera eskaintzen dizkit.
Non eta nola izan da zure hezkuntza afektibo sexuala??
Jaso al dugu?
Jajaja...! Kondoia eta gutxi gehiago. Kalea, telebista, kioskoa...
Eta nolako hezkuntza jasotzen dute zuen ikasleek?
Gure ikasleek kilima, kontaktu fisikoa eta gertutasuna bilatzen dituzte, baita autoerregulaziorako plazer uneak ere. Aukerak eta mugak lantzen saiatzen gara gu.
Zer erakutsi dizute ikasleek zure harremanetan aplikagarri?
Gelditzen, baretzen eta kontaktu goxo apur batek ematen duen txutea.
Sexualitatea bizitzean zertan laguntzen digu talde norma-letik ateratzeak?
Aukerak zabaltzen eta hautatzeko ahalmena indartzen.
Lana eta familia malabare artean, badira gozamen eta intimitate uneak?
Egun osoan zehar gozatu daiteke familian eta haurrak lokartzean dator intimitatea.
Snow zalea zara, gorputzean txirrist egiteko...?
Behatz batzukin kilima xuabeak gorputz osotik.
Bidaiatzea maite duzu, noiz aldatu norabidez harreman batean?
Zaindua ez zarenean edo jolasteari uzten diozunean.
Harreman osasuntsuen abentura bidaietan erabiltzen dituzun ipar izarrak?
Goxo tratatzea, elkar ulertzea, segurtasuna ematea.
PLAZERREN PUTZUA
Familian egiteko bidaia bat?
Afrikara.
Gomendatzeko toki berorik?
Zuhaitz arte bat, Santa Barbara oso eskura dago.
Gorputzen arteko bidaietan, erritmo azkar ala mantsoak?
Mantsoak.
Muxu, miazkada, koxk bakoitza non?
Dena gorputzeko edozein tokitan.
Harremanetan haizearen kontra edo alde?
Plazerez bada haizearen alde.
Hizkuntza pizgarri bat?
Gazteleraz ikasi nuenez, Euskarak erakartzen ninduen, bereziki Goierri aldekoak.
SEX-ALDIA BUKATU...
Irribarre batek...?
Betetzen nau.
Jolasaren bidez...?
Giroa sortu, konfiantza bilatu eta maitasuna adierazten da.
Askatuz gero...?
Edozer gauza.
Tatxan!
Eta orduan...?
Taburik gabe, denon sexualitateaz arrunt hitz egiten da.
SASIGALDERA
Zer esango zenioke bere seme-alaba sexualitatean hezten galduta dagoela esaten dizun lagun bati?
Laguntzen saiatuko nintzateke eta zerbitzua eskura edukita, Plax! Sexu aholkularitzara joatea aholkatuko nioke.