Datorren asteartean izango dute odola emateko aukera astigartarrek, herrian bertan egiten den urteko bigarren hitzorduan. Ohi bezala, arratsaldeko 18:30etatik iluntzeko 20:30ak bitarte izango dute aukera, anbulategian.
«Dohaintzak ez du egon behar tragedia edo larrialdiko egoerekin lotuta»
«Beste pertsona batzuei bizia emateko aukera bat da»
Astigarragako Odol Emaileen taldeak eskatu du «ahalegin txiki bat» egiteko. Izan ere, «zuretzat une bat baino ez da, baina gaixo askorentzat bizia izan daiteke».
Eta gogorarazi dute: «dohaintzak ez du egon behar tragedia edo larrialdiko egoerekin lotuta, baizik eta eguneroko ekintza izan behar du, eta ohikoa gure bizitzan». Azken finean, «odola ematea, beste pertsona batzuei bizia emateko aukera bat da».