Hernaniko Udaleko Zerbitzu Sozialak hiru gizarte langile lanposturako deialdia eta oinarriak argitaratu ditu. Erakundeko gizarte langile lanpostuen hiru plaza txanda irekian eta azterketa eta merezimendu bidezko lehiaketaren bidez beteko dira.
Deialdia eta oinarriak euskarri ofizialetan aurkitu daitezke eta Hernaniko Udaleko web orrian argitaratuko dira. Parte hartzeko eskabideak Hernaniko Udaleko Zerbitzu Sozialak Erakundeko presidenteari zuzenduko zaizkio.
Eredu ofizial eta normalizatuan aurkeztuko dira eskariak eta erakundearen bulegoetan emango da (Sandiusterri kaleko 1. zenbakia). Era berean partehartzeko eskabidearen inprimakia eskuragarri izango da Udalaren webgunean: www.hernani.eus.
Parte hartzeko eskabideak aurkezteko hogei egun naturaleko epea izango da. Deialdiaren laburpenaren iragarkia Estatuko Aldizkari Ofizialean argitaratu eta biharamunean hasiko da epe hori.