Osatu dute emakumezkoen trainerua berriro ere, Hernaniko Arraun Elkartean. Prest dago Maialen ontzia, denboraldiari ekiteko, eta aurretik, kide guztiak aurkeztuko dituzte.
Aurkezpen hori larunbat honetan egingo da, hilak 8, arratsaldeko 19:00etan, Akarregi poligonoan dagoen Basqueland Brewing Project garagardotegian.
Gastuei aurre egiteko, garagardo dastaketa
Aurkezpen ekitaldia 19:00etan egingo bada ere, jakinarazi dute garagardotegia irekita egongo dela 17:00etatik 20:00etarako tartean.
Denbora horretan garagardo artisauak dastatu ahal izango dira, eta bildutako dirua, traineruak eragiten dituen gastuetara bideratuko da.