Gipuzkoa Argitu programaren bueltan, hainbat tailer antolatzen ari da Gipuzkoako Aldundia herriz herri, herritarrei gomendioak emateko, etxebizitzetako energia kontsumoen inguruan. Horietako batzuk Astigarragan eta Hernanin emango dira, debalde, datozen egunetan, baina izena eman behar da aurretik.
Energia eta dirua aurrezteko gomendioen berri, tailerretan
Lehendik ere eman dira antzeko tailerrak; adibidez, etxeko argindar kontsumoaren inguruan edo erosotasunik galdu gabe energia aurreztearen inguruan. Udazkenean ere egingo da beste bat, energia berriztagarrien bueltan.
Oraingo tailer hau ere energia aurrezteko gomendioen ingurukoa da, baina horretarako etxean egin daitezkeen aldaketak izango dira kontuan: nola hobetu isolamenduak edo hermetikotasunak, nola egokitu aireztapen edo bestelako instalakuntza sistemak... Horrekin, energia, eta beraz, dirua aurreztea izango da helburua, eta era berean, «osasunean irabaz-tea»; izan ere, «hezetasunak kontrolatuko dira, kondentsazioak saihestuz, eta, ondorioz, patologiak ekidinez».
Doan, baina izena emanda
Tailerrak doan badira ere, lehendik izena eman behar da. Astigarragan, gaur bukatuko da izen-ematea: it.ingurugiro@astigarraga.eus edo 943 33 52 41. Tailerra ostegunean emango da, 18:30etan hasita, udaletxean.
Hernanin, berriz, ostiralera arte eman ahal izango da izena oihane@izadi21.eus helbidean edo 686 427 565 telefonoan; tailerra hilaren 11n emango da, 18:00etan Biterin.