Herriartekoaren semifinaletan da Hernani

Haundia egin dute palista hernaniarrek, Gipuzkoako Herri­ar­te­ko Txapel­ketan: semifinaletan dira da­go­eneko, joan den ostiralean Andoain kanporatuta.

Hernaniarrek bi partidu ira­bazi zituzten etxean, joanekoan Andoainen egin bezala, eta pasea ziurtatu zuten. Primeran ekin zion Iñaki Kerejetak, 20-6 irabazi eta kanporaketa ia erabakita uzteko, buruz burukoan. Eta binakakoan ziurtatu zuten pasea, 20-18 nagusitu baitziren Eneko Lujanbio eta Mikel Man­terola. Dena erabakita zegoela jokatu zuen Ander Arandiak, banaka zazpi barruan, eta 16-20 galdu zuen.

Orain, Azkoitia izango dute kontrario hernaniarrek, finale­rako txartelaren bila. Azkoi­tia­rrek Anoeta kanporatu dute final laurdenetan, 4-2 emaitzarekin. Hernaniarrek bezala, bu­ruz buruko eta binakako partiduak irabazi dituzte, eta zazpi barruko biak galdu. Beraz, kanporaketa parekatua espero da.

Garazi Urdangarinek 

txapela, Oiartzunen

Txapelketa gehiagotan ere aritu dira palista hernaniarrak, aste­buruan. Eta txapela bat ere eka­rri dute: Oiartzungo txapelketako finala irabazi zuen Garazi Urdangarinek, Nahia Eizmen­di­rekin batera, Agirre eta Era­sunen kontra (25-19).

Txapelik gabe geratu ziren, ordea, Joana Tolaretxipi, Maddi Iriondo eta Alaitz Barrenetxea. Euskal Jokoetan, Arabaren kon­trako lehia erabakigarria galdu zuten, partidu osoan irabazten joan ondoren, baita zazpi tantoren aldearekin ere. Azkeneko tantoan erabaki zen partidua, arabarren alde (24-25), eta biga­rren bukatu dute hernaniarrek.

Trinketean ere izan dituzte hainbat zita, hernaniarrek. Ba­tetik, Espainiako Trinkete Txa­pel­ketan, irabazi egin zuten Mai­der Huizik eta Amaia Araiz­tegik, Mendillorriren kontra (15-12 eta 15-13), ligaxkako azkeneko partiduan. Asteburu ho­ne­tan jokatuko dute semifinala.

Eta bestetik, Euskal Herri­ko­an, partidu bana irabazi eta galdu du Hernanik. Erreka­leor taldearen kontra, Ariane Arrie­ta eta Amaia Irazustabarrena aritu ziren, eta 18-30 galdu zu­ten. Baina aldiz, irabazi egin zio­ten Societe Nautique taldeari, Huizik eta Araiztegik (30-15).

Beste bi partidu ere jokatu ditu Irazustabarrenak, asteburuan. Open Bizkaia Nazioar­te­ko Torneoan, larruzko paletarekin, irabazi egin zuen Miriam Arri­llagarekin, Isasmendi eta Ruiz de Azuaren kontra (7-8, 8-4, 8-3 eta 8-1). Eta irabazi egin zuen Legorretako jaialdian ere, Arri­lla­garekin berriro, Miren La­rrar­te eta Maddi Mendizabalen kontra (25-20).