Hernaniko Igeriketa Taldeak ate irekiko bi jardunaldi egingo ditu udal kiroldegiko igerilekuan, etzi ekainaren 5ean eta 12an, biak asteazkena. Saioak ordubetekoak izango dira, 18:00etatik 19:00etara. 9 urtetik aurrerako neska-mutil guztiek aukera izango dute taldeko entrenatzailearekin eta igerilariekin batera taldea ezagutu eta proba egiteko. Igeriketa taldea guztiz parte hartzailea eta barne-hartzailea da.
Bertan, lehiaketetan parte hartzen duten neska mutilak, parte hartzen ez dutenak, baita arazo fisikoren bat dutenak ere daude barneratuak. Hurbiltzen diranak aukera izango dute igeriketan hobetzeko, igeriketa teknikak ikasteko eta, batez ere, taldean primeran pasako dute.
Beraz, ura eta uretan ibiltzea gustatzen zaien neska mutiko guztiak gonbidatuak daude ate irekietako jardunaldietan parte hartzera.
Iñigo Llopis eta Enaitz Goñi, oso ongi Gipuzkoa Sarian
Iñigo Llopis eta Enaitz Goñi igerilari hernaniarrak oso ongi aritu dira asteburuan Gipuzkoa Sarian, Donostian. Llopisek Espainiako errekorra egin du 50 bizkarren S8 mailan eta Enaitz Goñik infantilen Espainiako Txapelketarako beste minima bat lortu du 200 bizkar frogan. Kontuan hartu behar da ekaina hasiera ez dela datarik onena izaten markak egiteko.