Bi zita garrantzitsu izan zituzten aurreko asteburuan, atleta hernaniarrek. Batetik, larunbatean, Euskadiko Jokoak izan ziren Getxoko Faduran, infantil mailako atletentzat. Eta bertan aritu ziren hiru hernaniar, Gipuzkoako selekzioak deituta. Mikel Camposek, urrezko bi domina lortu zituen, 80 metroko proban, eta 4x80 metroko errelebo proban. Amaiur Velezek, berriz, zilarrezko domina lortu zuen, 220 metro hesidunetan. Eta azkenik, bosgarren postuan sailkatu zen Intza Campos, pisu jaurtiketan.
Bi domina, Gipuzkoako Txapelketa absolutuan
Eta larunbatean zein igandean, Anoetako miniestadioan jokatu zen Gipuzkoako Txapelketa absolutua. Emaitza onenak, lortu zituzten Ainhoa Toledok, mailu jaurtiketan zilarrezko domina kolkoratuta; eta Jon Ander Estebanek, luzera salto hirukoitzean brontzezko domina lortuta.