Artikutza gai hartuta, hitzaldia eskainiko du Arturo Elosegi zientzialari tolosarrak, datorren larunbatean, Goizuetan. Goizeko 11:00etan izanen da, udaletxeko ganbaran; eta Artikutzako balio naturalari buruz ariko da Elosegi.
Izan ere, ibaien ekologian aditua da tolosarra, eta une honetan, Artikutzako urtegia ikertzen ari da. Bertako aurkikuntzen inguruan hitz eginen die, bertaratzen direnei.
Euskal Herriko Unibertsitatean, irakasle katedraduna da Elosegi, Landareen Biologia eta Ekologia sailean.