Diru-laguntza deialdia argitaratu du Udalak maiatzeko GAOn, herritarrei udal tasak eta prezio publikoak ordaintzen laguntzeko. Hau da, eskaera egitean zehaztu behar da zer ordaintzen laguntzeko egiten den diru-laguntza eskaera: etxeko zabor bilketa tasarako, etxerako ur-hornidura tasarako, udal kiroldegiko kuotarako edota musika eskolako kuotarako. Eskaerak udaletxean egin daitezke, 2019ko abenduaren 30era bitartean. Gizarte-zerbitzuetako diru-laguntzen programako deialdia da hau.