Landare, zuhaitz zein zuhaixken inguruko edozein zalantza edota galdera argitzeko prest izango da asteartean, ekainaren 4an, Jakoba Errekondo. Agronomo eta paisajista da, eta 18:30etatik aurrera herri baratzetan, hilerri ondoan egongo da.
Horrez gain, Landareak Lantzen 2019 agenda ere aurkeztuko du bertan.
Astigarragako Udalak antolatu du ekitaldia.
Landaketen inguruko zalantza guztiak argitzeko prest
Zalantza askori erantzuna Landareak Lantzen 2019 agendan aurkitu ahal izango da. Bertan argitzen da baratzean, fruitu arboletan, lorategietan edota basoan noiz eta zein lan egin behar diren, sasoi bakoitzari, hilabete bakoitzari eta ilargialdiari lotuta.
Horrez gain, Errekondok dio «gure lanak ikasteko bide» izateko, «onena egindako lan guzti-guztiak ahal den eta zorrotzen jasotzea» dela. Horrela, aurkeztuko duen agenda hau propio prestatuta dago, egiten diren ekintza guztiak bertan idazteko.
Hortik aurrerako edozein zalantza argitzeko prest ere izango da usurbildarra, eta beraz, gerturatzeko dei egin die Udalak herritarrei.