Udako hilabeteetarako eskaintza zabala prestatu da herrian, eta ekintza batzuetan izena eman daiteke oraindik.
Bestalde, igerilekua ere laster irekiko da: ekainaren 12tik irailaren 15era egongo da irekita, astelehenetik igandera, 10:00etatik 20:00ak bitartean.
Haurrentzako, Jolas Txiki, Multikirola eta Gaztelekua
Izena emateko epea itxita dago haurrei zuzendutako ekintza gehienetan. Baina oraindik bada aukera, batzuetan.
Jolas Txiki 3 eta 5 urte artekoei zuzendutako bost txandatan banatu da, ekainetik abuztura, eta ekainaren 7ra arte eman daiteke izena. Berdin, 6 eta 12 urte artekoei bideratuta antolatutako Multikiroletan. Kiroldegian eman behar da izena.
Bestalde, Gaztelekuan irteera bereziak egingo dira uztailean, eta ekainaren 14a baino lehen eman behar da izena.
Zunba, pilates, jump fit eta abar, denentzat
Kiroldegian ere, makina bat ikastaro izango dira haur, gazte nahiz helduei zuzenduta, udako hilabeteetan. Hauetan izena emateko epea bukatu bada ere, tokia geratu bada, aukera izango da parte hartzeko. Informazioa: astigarraga.eus.