Hernani Erabaki prozesua abiatu du Udalak

Erabaki Hernani Decide 2020 au­rrekontu parte-hartzaileen prozesua martxan da aurten ere. Seigarrenez, hernaniarrek erabakiko dute 2020ko udal aurrekontuaren 500.000 euro zertan inbertitu nahi dituzten. Horretarako, urtero bezala, pro­­posamenak egin, horiek ezta­bai­datu eta erabakitzeko auke­ra izango dute herri­ta­rrek. Da­goeneko 2.500.000 eu­ro era­baki dituzte herri­tarrek aurre­kontu parte-har­tzai­le­a­ren bidez.

Talde Eragilea sei herritarrek osatzen dute, Siadecoren gidaritzapean

2014an aurrekontu parte-har­tzaileen prozesua hasi ze­ne­tik, herritarrek osatutako Tal­de Era­gilea izan da proze­su­aren oinarriak jarri ditu­ena, eta ha­la izango da aurten ere. Orain­go honetan, Siadeco Iker­­keta Apli­katuaren gida­ri­tza­pean, sei herritarrek osa­tzen du­te: hiru norbanakok, he­rriko talde ba­teko ordezkari batek, eta auzo elkarteetako bi ordez­ka­rik.

Prozesua, lau fasetan

Lau fase izango ditu aurten ere Hernani Erabakik. Lehe­nen­­go fasean, proposamenak egingo dira; gaur hasi eta ekai­naren 17ra bitarte. Bigarren fasean, propo­samenak lehenetsiko di­ra; uztailaren 8tik 11ra bi­tar­te. Hirugarren fasean, proiek­tu­en balorazio teknikoa egin­go da; uztailaren 18tik iraila­ren 20­ra. Eta laugarren fasean, boz­katu eta erabakiko dira, urri­aren 14tik azaroaren 15era bi­tarte.

Lehenengo fasea, gaurtik

Hain zuzen, lehenengo fasea da orain abiatuko dena. Gaur­tik ekainaren 17ra bitarte, her­naniar orok, bakarka nahiz taldean, proposamenak egi­te­ko aukera izango du. Beti ere, proposamenok Talde Era­gi­le­ak zehaztutako ondorengo bal­dintzak bete beharko di­tuzte: pro­posamen bakoi­tza­ren au­rre­­kontua 125.000 euro­koa izan­go da, gehienez; eta he­rritar bakoitzak, gehienez ere, 5 proposamen egin ditza­ke.

Proposamenak egiteko bideak, aurreko urtetakoak

Hiru bide izango dira propo­samenak egiteko. Batetik, bile­ra irekiak egingo dituzte, auzo­etan, gaurtik hasita. 

Poston­tzien bi­dez ere egin daitezke: Herna­nia­rrek etxean jasoko dituzten dip­­­tikoak bete, eta udal erai­ki­netan (Biteri Kul­tur Etxean, Udaletxean, Ki­rol­degian, Goiz Eguzkin, Insti­tutuan, Plaza Femi­nistan, Ga­briel Zelaian, Sandiusterrin eta Udal Euskal­tegian) eta auzo elkar­teen loka­letan jarriko diren pos­ton­tzietan sartu ahal izango dira.

Eta internet bidez ere bai: erabaki.hernani.eus web­gune­an dagoen inprimakia bete eta bidalita.

Aurten ere gaztetxoek aukera

Iaz aurrenekoz egin zuten mo­duan, aurten ere, 8 eta 16 urte bitarteko gaztetxoek aukera izango dute aurrekontu parte-hartzaileen prozesuan parte-hartzeko. Eskola Agenda 21 proiektuaren bidez bideratuko da; proiektu horretan lan­du­ta­ko gaiaren bueltan egin­dako pro­posamenak txerta­tuko dira prozesuan, eta ondo­ren, boz­katze-fasean parte har­tuko du­te, ikastetxeen bidez.

?Herriari bizitza ematea?, helburu

Horrez gain, Talde Eragilea hasi da dagoeneko leheneste-fasea prestatzen. Hain zuzen ere, Herriari bizitza ematea izango da aurtengo helburua, Talde Eragileak hala erabakita. Hori ho­rrela, prozesu honetan dina­mika kulturalak, tokiko jar­duera ekonomikoak (mer­ka­­ta­ritza, zerbitzuak, enple­gua), herritarren arteko harre­mana eta topaketa, eta herri ondarea (kulturala, historikoa, natu­rala...) sustatzen duten pro­po­sa­menak egiteko gon­bi­tea luzatzen diete herritarrei. 

LEHENENGO FASEA: Auzoz auzoko bilerak

- Gaur: Karabelen, 19:00etan.

- Bihar: Lizeagan, 19:30ean.

- Ekainak 3: Zikuñagan, 19:30etan.

- Ekainak 5: Portun, 19:00etan.

- Ekainak 6: Antziolan, 19:00etan.

- Ekainak 7: Latsunbeberrin, 19:30ean.

- Ekainak 10: Kaxkoan, 19:00etan.

- Ekainak 12: Etxeberri-Floridan, 19:00etan.

*Saioak auzo elkarteen lokaletan izango dira, Kaxkokoa izan ezik, udaletxean egingo baita.