Mondragon Unibertsitateak ikasturte honetako laugarren jardunaldi irekiak antolatu ditu, larunbatean, Orona Ideo gunean daukan kanpusean, goizeko 10:30etan hasita.
Kanpuseko hezkuntza eskaintza ezagutzeko aukera izango dute batxilergoko lehenengo mailako ikasleek. Ikasturte honetako laugarren ate irekiak izango dira; hirugarrena, martxoan egin zuten.
Bi ingenieritza gradu
Hain zuzen, bi gradu eskaintzen dituzte bertan, ingenieritzak biak: Energiaren ingenieritza eta Ekoteknologia industrialen ingenieritza.
Goi mailako bi ikasketak, programa dualaren bitartez egiteko aukera eskaintzen du Mondragon Unibertsitateak Orona Ideon, hau da, aldi berean ikasi eta horren inguruan lan egiteko aukera izaten dute ikasleek.
Ikasketa horien nondik norakoak azaltzeaz gain, ikasleek euren testigantzak emango dituzte, garatzen dituzten proiektuak azalduko dituzte eta unibertsitateko instalakuntzak erakutsiko dizkiete bertaratuei.