Euskadiko Eskolarteko Jokoetan aritu zen larunbatean, Hernaniko neska infantilen boleibol taldea, Gipuzkoako liga irabazi ondoren. Eta Euskadiko txapeldunorde izan da.
Sestaoko La Benedicta kiroldegian elkartuta, Arabako txapeldunen kontra aritu ziren aurrena, eta aurreneko puntuetatik izan zen nagusi Hernani. 25-15 eskuratu zuen aurreneko jokoa, eta 25-17 bigarrena, partidua irabazteko.
Ondoren, Bizkaiako txapeldunaren kontra jokatu zuen; Sestaoko taldearen kontra, hain justu. Eta aurreneko puntuetan aurre egin zieten arren, bere maila haundia erakutsi zuen talde bizkaitarrak gero, eta bi jokoak irabazi zituen. Hori horrela, Euskadiko bigarren bukatu dute hernaniarrek, iaz baino koxka bat gorago, eta hori zuten helburu.
Neska jubenilek ezin, Gipuzkoako finaletan
Hernaniko neska jubenilek, berriz, Gipuzkoako Ligako finalak jokatu zituzten igandean, baina ezin izan zuten dominarik ekarri. Lizardi Zarautzen kontra jokatu zuten semifinala, eta 2-2 berdindu ondoren, joko erabakigarrian akats asko egin zituzten hernaniarrek, 14-16 galtzeko, oso partidu luzean.
Eta segidan, 3-1 galdu zuten 3garren posturako lehia, Arantzazuko Amaren kontra. Ez ziren ondo aritu hernaniarrak; akaso, nekeak eraginda.