denontzat taldeak antolatuta, Denontzat Race obstakulu proba izan zen larunbat arratsaldean Hernanin. Ia 300 parte-hartzaile izan ziren Florida auzoan barrena egin zuten proban.
Elite mailako gizon eta emakumeen sailkapen orokorrean Asier Landart izan zen aurrenekoa; Ekain Nogueira, bigarrena; eta hirugarren postua lortu zuen Jon Fernandezek.
Emakumeen artean, Irati Beorlegi izan zen azkarrena; Nadia Zernott, bigarrena; eta Eider Alonso, aldiz, hirugarren iritsi zen.
Taldeka ere lehiatu ziren, Denontzat Pro Team izan zen onena; ondoren, bigarren sailkatu zen Promesas Denontzat taldea, eta hirugarren, Denontzat Leyendas.
Bereziki eskerrak eman dizkie boluntario, laguntzaile eta bazkideei.
Proba izan bitartean, ateri
Eguraldi txarra izango zela uste bazuten ere, probarako atertu egin zuen, eta ederki gozatu ahal izan zuten parte-hartzaileek zirkuitu dibertigarri bezain zorrotzarekin. Indarra, abilezia, esekitze-teknikak, erresistentzia, punteria... uztartu behar izan zituzten partaideek.
Korrikalari adituak eta hasiberriak izan ziren, eta haiekin gozatu ederra hartu ahal izan zuten bertaratutakoek.
Ikustera joan zirenei, parte-hartu zutenei eta bereziki, boluntario, laguntzaile zein bazkideei eskerrak eman dizkie Denontzatek: «haiek gabe proba egitea ezinezkoa litzateke». Errugbi elkarteari ere «eskerrak» eman dizkiete, «hasierako ibilaldiaren alternatiba gisa, bere instalakuntzak erabiltzen uzteagatik».