Europear hauteskundeak lehenengo aldiz Udal eta Foru Aldundikoekin batera egin ziren eta horrek partaidetzan izan zuen izugarrizko eragina, %45etik %64ra igo zen. Emaitzetan aipagarria da PSOEk irabazi dituela hauteskundeak Espainian 20 eserlekurekin.
Euskal Autonomi Erkidegoan CEUS izan da alderdi bozkatuena eta Nafarroan PSOE. Ezker Abertzalea Orain Errepublikak koalizioaren barruan joan da eta guztira hiru ordezkari lortu ditu. Horrek esan nahi du Pernando Barrena izango dela europarlamentari, baita EAJko Izaskun Bilbao ere. EAJ, CEUS koalizioaren barruan joan da hauteskunde hauetara eta Bilbaoren ordezkaritza lortu dute. Gero, Maite Pagazaurtundua hernaniarra ere europarlamentari izango da Ciudadanosekin.
Bailara osoan Orain Errepublikak garaile
Hernanin Europar Batasuneko parlamenturako hauteskundetan Orain Errepublikak taldeak lortu ditu boto gehien alde haundiarekin. Astigarragan, Ereñotzun, Aranon eta Goizuetan ere alderdi bozkatuena izan da.
Europako hauteskundeak zirkunskripzio bakarreko hauteskundeak dira, beraz Espainia osoko datuak hartzen dira kontuan ordezkariak banatzeko orduan. PSOEk 20 ordezkari lortu ditu, PPk hamabi, Ciudadanosek zazpi, Podemosek sei, Orain Errepublikakek hiru, VOXek ere hiru, Junts por Catalunyak bi eta CEUSek bakarra.
Lau zinegotzi gutxiago lortu ditu PPk eta PSOEk berriz sei gehiago, Ciudadanosek bost irabazi ditu eta Podemosek bat igo da. CEUS hirutik batera jeitsi da. Beraz, PSOEk erraz irabazi ditu hauteskunde hauek.