HAUR, guraso eta eskolen arteko topaketak 20garren urteurrena beteko du gaur Goizuetan. Aresoren lekukoa hartu du Goizuetak eta topaketaren helburua, festa giroan, berdintasunean eta errespetuan oinarritutako harremanak lantzea da. Goizueta, Areso, Arano, Ezkurra eta Leitzako haur, guraso eta irakasleak jai giroan elkartzen dira urtero ezagutu eta ongi pasatzeko.
11:00etan hasiko dute topaketa, trikitilariek girotutako kalejirarekin. 11:30ean jokoak eta tailerrak izanen dituzte eta 13:30ean topaketarako prestaturiko dantza eta abestia plazaratuko dituzte. 14:00etan bazkaltzeko bilduko dira eta ondotik Aralar musika eskolako ikasleen eskutik, dantzarako tartea izanen dute. 16:30ean jokoak eta tailerrak berrartuko dituzte. 17:30ean txokolatea eta bizkotxoa hartuta, topaketa agurtzeko abestia jarriko dute.
XX. HAUR, GURASO ETA ESKOLEN ARTEKO TOPAKETAK
GAUR
11:00: Ongietorria plazan kalejira trikitilariekin.
11:30: Jokoak eta tailerrak.
13:30: Topaketako dantza eta abestia.
14:00: Bazkaria (Paella+edaria+pastak).
Ondoren: Dantzaldia-Aralar musika eskolako ikasleak alaiturik.
16:30: Jokoak eta tailerrak.
17:30: Merienda (Txokolatea+bizkotxoa).
18:30: Amaiera Topaketako abestiarekin agurra.
ABESTIA
Bost herri eta hiru eskola
Gora gure topaketa!
Zer ote da? Zer orte da?
Lagun berriak sortzea
Zer ote da? Zer orte da?
Denan artean jolastea
Panparabarabarabarai
Panparabarabarabarai
Etxetik gelara, gelatik herrira
Herritik zonaldera
Zer ote da? Zer orte da?
Lagun berriak sortzea
Zer ote da? Zer orte da?
Denan artean jolastea
Aurten giroa Goizuetan... zatozte...
Jolas eta dantza nahikoa...
Zatozte, zatozte, zatozte, zatozte...
Panparabarabarabarai
Panparabarabarabarai
Ezkurra, Areso eta Leitza
Arano eta Goizueta
Etxetik gelara, gelatik herrira
Herritik zonaldera
Zer ote da? Zer orte da?
Lagun berriak sortzea
Aurten giroa Goizuetan... zatozte...
Jolas eta dantza nahikoa...
Zatozte, zatozte, zatozte, zatozte...
Panparabarabarabarai
Panparabarabarabarai
Bapaparai, baparai
Topaketara!!!!
Topaketara A A A!
Topaketara A A A!