Laster, ekainetik aurrera, aukera izango dute Gaztelekuko ekintzetan parte hartzeko, orain Lehen Hezkuntzako seigarren mailan dauden gaztetxoek, 2007 urtean jaiotakoek. Eta zerbitzua ezagutu dezaten, ate irekiak antolatu dituzte Gaztelekuan, datorren astean, gaztetxo horientzat eta haien gurasoentzat.
Gaztetxoen kasuan, bisita bat antolatu dute asteartean, 18:00etatik 20:00etara, barrutik ezagutu dezaten Gaztelekua, ekainean ekintzetan parte hartzen hasteko. Udako programazioan ere, parte hartu ahal izango dute haiek.
Gurasoentzako, bilerak
Gaztetxo horien gurasoen kasuan, bi bilera antolatu dituzte asteazkenean: aurrenekoa euskeraz, 18:00etan; eta bigarrena gazteleraz, 19:00etan. Ezagutzera emango diete, beraien seme-alabek erabiliko duten zerbitzua eta bere funtzionamendua.