Maiatzeko larunbat guztietan bezala, ornitologia ibilaldia egingo dute gaur, Itsas Enara Ornitologia Elkarteak eta Haritzalde Naturzaleen Elkarteak antolatuta. Eta azkenekoa izango da gaurkoa: Santiomendiko ermitaren aparkalekutik abiatuko dira, goizeko 09:00etan, bi orduko ibilaldia egiteko.
Bi ordu horietan, ezagutuko dituzte Astigarragan ikusi daitezkeen hegazti motak, haien izenak eta ohiturak. Adin guztietako herritarrei zuzendutako ekintza da; hori bai, haurrek heldu batekin joan beharko dute. Ez zegoen aurrez apuntatu beharrik, nahikoa da bertara azaltzea. Etxean prismatikoak dauzkatenei, eramatea gomendatu diete, hegaztiak ikusteko.