Saio praktikoa antolatu dute datorren asteazkenean, Astigarragako AEK euskaltegiak eta Udaleko Euskara Sailak, Zilegi Eskolen barruan. Izan ere, mekanika ikastaroa eskainiko du Iñigo Mota mekanikariak, arratsaldeko 19:00etatik aurrera, AEKren lokalean.
Ikastaro horretan, autoaren mantentzea nola egin erakutsiko du Motak, eta azalduko du, matxura jakin baten aurrean nola jokatu.
Izenematea doan, emailez edo kultur etxean
Doakoa izango da ikastaroa, baina izena eman behar da aldez aurretik: kultur etxean; edota emailez, zilegieskola@aek.eus helbidera idatzita.