Datorren asteazkenean jarri dute urteroko zita, Astigarragako Herri Eskolako haundienek. Izan ere, haurren bertso jaialdia antolatu dute, kiroldegian, eta ikastolako 5garren eta 6garren mailako ikasleak ariko dira kantuan, kantxatik. Arratsaldeko 17:00etan hasita, banaka edo taldeka pasako dira mikrofonoaren aurretik, beraien bertso onenak botatzera.
Gu ere bertsotan ekimenaren parte da jaialdia, Astigarragako Udalak sustatu duena; eta Unai Muñoa bertsolariak gidatuko du saioa.
Herritar guztiak daude gonbidatuta, saioaz gozatzera.