Hauteskunde kanpainan daude alderdi politikoak bete-betean, eta horren barruan, ekitaldi politikoa egingo du EH Bilduk gaur. Tilosetan egingo dute, arratsaldeko 19:30etan hasita; eguraldi txarra egiten badu, aldiz, Biteriko areto nagusian izango da.
Xabier Lertxundi alkategaiarekin batera, bertan izango dira Nerea Kortajarena EH Bilduren legebiltzarkidea, eta Juan Karlos Izagirre, Donostiako alkate ohia eta Diputatu Nagusirako hautagaia.
Bihar, Martindegiko auzotarrekin elkartuko dira, Hernani eta Astigarragako hautagaiak.
Martindegin, bihar
Bihar egingo dute bat Hernanik eta Astigarragak, Martindegin. Bertako auzotarrekin bilduko dira, EH Bilduren bi alkategaiak: Hernanikoa, Xabier Lertxundi, eta Astigarragakoa, Xabier Urdangarin. Arratsaldeko 18:30etan izango da hori, Martindegiko auzo elkartean.
Amaiera festak ere, bi herritan
Ostiralean emango diote bukaera kanpainari, eta horretarako festa bana antolatu dute. Astigarragakoa, Joseba Barandiaran plazan izango da, 19:00etatik aurrera. Eta Hernanikoa, aldiz, Tilosetan izango da, 20:30etatik aurrera. Eguraldi txarra egiten badu, Atsegindegin egingo dute.