Legegintzaldiko azkeneko Plenoa izango dute gaur Hernaniko Udaleko ordezkariek. Ez-ohiko deialdia egin dute azkeneko gaiak aztertzeko. Arratsaldeko 19:00etan hasita izango da, udaletxeko areto nagusian.
Zazpi gai, mahai-gainean
Denera, zazpi gai izango dituzte mahai-gainean; ez da egongo, ordea, erregu eta galderetarako tartea, ez-ohiko deialdia delako.
Aurreko aktak onartuko dituzte, aurrena: apirilaren 29 eta 30ekoak, hain zuzen. Dekretuen berri emango du alkateak, ondoren; eta jarraian aztertuko dira gai zehatzak: Arau Subsidiarioen Berrikuspena, lanpostu batzuen sailkatzea eta onartzea, Zerbitzu Sozialetako lanpostuen zerrenda, Hilerriko araudiaren aldaketa eta udal eraikinen garbiketarako kontratua luzatzea.