Egun Ibilgailuen Azterketa Teknikoa (IAT-ITV) Gipuzkoan egiteko dauden arazoak medio, udaltzaingoak jakinarazi du ez duela isunik jarriko, «zerbitzu horren gainkargaren ondorioak gidariek jasan ez ditzaten».
Dena den, IAT azterketa dagokion epean pasa ez duten ibilgailuei salaketa jartzen jarraituko du orain arte bezala. Baina, salaketa jarri ondoren, udaltzainek ez dute tramitatuko, ibilgailuen titularrek aurkezten badute azterketa pasatzeko hitzordua hartu izanaren idatzizko ziurtagiria, eta ziurtatzen badute hitzordu hori azterketa egiteko jarritako epea pasa aurretik eskatu dutela.