Atsegindegin jarri du zita gaur, Euskal Sagardoa Jatorri Deiturak. Uztaberri Eguna ospatuko dute bertan, arratsaldeko 18:00etatik 21:00etara, 2018ko uzta aurkezteko. Aukera izango da, 15 sagardotegitako sagardo berriak dastatzeko.
Izango ditu berezitasunak, dastaketak: batetik, kopan dastatuko dute sagardoa, bertaratuek; eta bestetik, dastatze azkarrak eskainiko ditu Mikel Garaizabal enologoak. Pintxoak ere jarriko dituzte.
Goizean, berriz, bestelako ekintzak izango dira, ostalaritzako profesionalei eta elkarte gastronomikoetako arduradunei zuzendutakoak, hain justu. Goizeko 11:30etan, hamaiketakoa egingo dute Euskal Sagardoarekin, Mikel Garaizabalek berak zuzenduta.