21.264 herritar bihar zortzi, Urumeako hauteslekuetara deitutakoak

hauteskunde-urtea da 2019a, duda­rik gabe. Duela ia hilabete, api­rilaren 28an, bokatu zuten herritarrek Espaini­ako Kongresua eta Senatua osa­tzeko, eta oraingo honetan, zita hiru­koi­tza izan­go dute hautetsontziekin. Ere­ño­tzun izan ezik, bertan, lau hau­tetsontzi izango baitituzte. Gipuzkoa­ren kasuan, udal ordezkariak, Batzar Nagusieta­koak eta Europako Parla­men­tukoak erabaki beharko dira. Na­fa­rroaren ka­suan, aldiz, udal ordezka­riak, Nafa­rroa­ko Parlamen­tukoak eta Europako Parlamentukoak. 

Hamaika hautesleku, Urumea bailaran zehar

Hernani, Astigarraga, Goizueta, Ereño­tzu eta Aranokoak kontuan hartuta, ha­maika hautesleku izango dira bihar zortzi Urumea bailaran zehar. 

Horietatik zazpi Hernanin izango dira: Laubidieta ikastola, Elizatxo ikas­tola, Larramendi kalea 11 (AEK eus­kal­tegia), Biteri kultur etxea, Haur Eskola, Beterri (lehen Gabriel Zelaia ikastola zena) eta Zikuñaga bailarako udal erai­kina. Eskola guztiak kontuan hartuta, 22 mahai izango dira Hernanin, de­ne­ra, eta bertan bozkatuko dute 15.271 hernaniarrek. 

Horiei gehitu beharko zaie Ere­ño­tzuko Auzo Udalean bozkatuko dutenak; mahai bakarrean, 478 ereñotzuarrek hartuko dute parte. Haiek, gainera, Auzo Udaleko alkatea ere hautatu beharko dute. Hautagai bakarra da, Unai Erroitzenea, beraz, berak ordez­katuko du egungo auzo alkatea, Imanol Lizeaga.

Astigarragan ere, hautesleku baka­rra izango da, Herri Eskolako eraikin berrian jarriko dutena, apirilaren 28an bezala. Bertan, sei mahai izango dira, eta bertan bozkatuko dute deituta dau­den 4.827 astigartarrak.

Eskolako eraikina erabiliko dute ho­rretarako Goizuetan ere. Mahai baka­rrean, 587 goizuetarrek bozkatuko dute, ohi bezala. 

Aranoren kasuan, udaletxeko batzar aretoa erabiliko dute horretarako. 101 herritarrek izango dute bozkatzeko eskubidea; aurrekoan baino bi aranoar gehiago daude maiatzaren 26ko zitara deituta. 

HAUTESKUNDE-MAHAIAK 

HERNANI

- Laubidieta Ikastola: 10A-10B ETA 15U sekzioak.

- Elizatxo Ikastola: 7A-7B eta 12U sekzioak.

- Larramendi kalea: 6U sekzioa.

- Biteri kultur etxea: 1U, 2A-2B, 3U ETA 11U sekzioak.

- Haur Eskola: 13A-13B, 14U eta 16A-16Bsekzioak.

- Beterri (lehen Gabriel Zelaia ikastola): 4A-4B eta 5A-5B sekzioak.

- Udal eraikina (Zikuñaga bailara): 8U sekzioa.

EREÑOTZU

- Ereñotzuko Auzo Udala: 9U sekzioa.

ASTIGARRAGA

- Astigarragako Herri Eskola (eraikin berria): 6 mahai.

ARANO

- Udaletxeko batzar aretoa: mahai bakarra.

GOIZUETA

- Eskolan: mahai bakarra.