Ilarra protagonista izango da gaur hasi eta igandera arte, Baratze elkarteak Udalaren babesarekin antolatuta, VIII. Ilar Eguna deitutako astean.
Hasteko, gaur pintxo-potea egingo da, eta 21:30etan ilar pintxo onena sarituko da. Bihar, berriz, eskolako ikasleek baratzak bisitatuko dituzte 09:00etan, eta etzi, 11:00etan, helduek, udaletxetik aterata.
Ilar egun haundia, berriz, igandea izango da, eta besteak beste, Luis Irizar eskolako sukaldariek egindako ilar pintxoak dastatu ahal izango dira. Horretarako, bihar arte lortu daitezke dendetan banatzen ari diren baleak.