Zerbitzu berriak eskura kiroldegian, kirol zale, haur eta klubentzat

Ostiralean aurkeztu zituen Esti Aldeiturriaga, Jarduera Fi­sikoa eta Kirol zinegotziak ki­roldegian martxan jarri di­ren zerbitzu berriak. Hernani Oinez ekimena ere aurkeztu zuen, bestalde.

Kirol klubei, espazio gehiago

Zerbitzuetako bat herriko kirol klub eta bestelako elkarteei be­gira jarri da martxan. Ho­rre­la, espazio batzuk bilerak egiteko egokitu dira. Era be­rean, materiala gordetzeko gaur egun klubek daukaten lekuaz gain, dokumentuak gor­de ahal izateko takilak ja­rri­ko zaizkie eskura.

Bestalde, eskola kiroleko koordinatzaileek ere bulego bat izango dute kiroldegian.

Familia kontziliazioa helburua, ludotekak

Familiei begira ere, espazio berri bat jarri da martxan, hain zuzen, «familia kon­tzi­lia­zioa erraztu nahian». Gela bat haurrentzako ludoteka iza­teko egokitu da. Erabilera li­brekoa, zaintzarik gabea, eta txikientzat prestatuko mate­ria­lez osatutakoa izango da: irakurketa txokoa, eraikuntza txokoa, margoketa txokoa, jos­tailuak... izango ditu.  

Honekin, haurrak ikasta­ro­ak egiten ari diren bitar­tean, anai-arrebentzako es­pa­zio egokia sortzea da asmoa.

Indoor walking eta ciclo indoor gelak, irekita

Azkenik, gimnasioko erabi­l­tzai­leentzat ere material ge­hia­go eskura jarriko da. Ba­tetik, bi zinta berri.

Baina,  horrez gain, ikasta­ro­rik ez dagoen orduetan, in­door walking eta ciclo indoor ikastaroetako gelak irekiko dira, horrela, 20 bi­zi­kleta eta 14 eliptika gehiago erabilgarri egon daitezen.

Oinez ibiltzearen alde

Bestalde, Hernani Oinez egi­tas­moa ere aurkeztu zuen. He­rrian oinez mugitzea du hel­bu­ru, eta horretarako, infor­ma­zio pane­lak jarri dira, bi ki­rol­de­gian eta bat Biterin, ba­tetik bes­tera joateko zein dis­tan­tzia da­goen eta zenbat denbora behar den jakiteko. Auzoetan ere sei­naleak jarri dira.