Berriro jarri du martxan On Egin! kanpaina, Berriak Hernaniko Merkatari eta Ostalarien Elkarteak. Datorren astean izango da, maiatzaren 13tik 19ra bitartean; eta elkarteko 16 dendatan, boletoak banatuko dizkiete bezeroei, erosketak egiterakoan. Boleto horietan, hainbat opari lortzeko aukera izango dute: erosketa poltsak, eta 2 euro, 3 euro edo 5 euroko deskontu txartelak, denda horretan bertan erabiltzeko, hurrengo erosketetan, maiatzaren 26ra arte, gehienez ere.
Hauek dira, kanpainan parte hartu duten 16 dendak: Antziola Okindegia, Antziola Kafetegia, Dorronsoro, Bikain, Adarraga, Lekuona, Dietetika Orekan, Masusta, Goxo, Gardanbera, Jaione Konjelatuak, Mariscos Hernani, Iñaki Harategia, Artola Harategia, Amaia Arraindegia eta Mari Fe.
Jose Ignacio Escuderok eta Ainhoa Iruretagoyenak, 500 euroko txartel bana
Aurreko kanpainaren zozketa ere egin du Berriak elkarteak, eta dagoeneko jakinarazi du, zeinentzat diren 500 euroko bi erosketa txartelak: Jose Ignacio Escudero Legarretarentzat bat, eta Ainhoa Iruretagoyena Ramarentzat bestea.
Hiru hilabeteko epea daukate, txartelak erabiltzeko.