Olano fondoa udalean aurkeztuko da bihar

Jesus Mari Olano fondoa udaletxean aurkeztuko dute bihar, 13:00etan, areto nagusian. Balio haundiko fondoa da hau. Ez Dok Amairuren sorrerako emanaldia, Gabriel Arestiren hitzaldi historikoa eta bestelako hainbat hots hernaniar digitalizatu eta herriari ematea da Jesus Mari Olano Fondoaren asmoa. 

Hernanin Entzuna diskoan 1999an argitaratutako doinuak «le­hendik grabatuta ez zeuden oi­narrizko doinuak» dira Her­na­nirentzat, Jo­xan Goikoetxea Maritxalar, Az­tar­na argitale­txe­ko sortzaile eta Izura kul­tu­ra elkarteko le­hen­da­kariaren esa­netan. «Bai­­­na aurreikusten ge­nu­en altxo­rra zabalagoa zela». Altxor horren zati haundi bat, hain zuzen, iaz, maia­tza­ren 12an zendu zen Jesus Mari Olanok eman zion Goiko­etxea­ri. 

Grabazio desberdinak entzungo dira

1960-70eko hamarkadetan Herna­nin antolatu ziren eus­ke­ra eta kul­turaren alorreko eki­tal­die­ta­ko soinu-erregistroek eta hain­bat dokumentaziok osa­tzen dute bilduma, eta or­du­bete inguru iraungo duen aur­kez­pen ho­ne­tan, zuzeneko mu­si­ka eta bil­dumako hainbat iru­di eta gra­baketa ere tartekatuko dira. 

Tartean daude Gabriel Ares­t­i edota Iñaki Beobidek Her­nanin emandako hitzaldien soinu-gra­bazi­o­ak, Xal­bador ber­tso­la­riari egindako omenaldiaren saiokoak... 150 bat graba­zio ordu digitalizatu dituzte.