Amuarrain txapelketa antolatu du Txantxangorri elkarteak Urumea ibaian, 49garrenez. Bihar izango da proba, goizeko 09:00etatik eguerdiko 13:00etara bitarte.
Nahi duten arrantzaleentzat
Arrantzale hernaniarrek hartuko dute parte, betiere, aurretik izena eman badute. Horiek guztiak goizeko 08:00etan bertaratu beharko dira Txantxangorri elkartearen parera, eta bertan, antolatzaileek gerturatu direnen berri izan ondoren, adieraziko zaie zein zonaldetara joan beharko diren.
Eguerdiko 13:00etan emango diote bukaera probari, eta segidan egingo dute sari-banaketa, 13:30etan. Hartutako amuarrainak pisatu ondoren izango da hori. Aurreneko bazkideak urdaiazpiko bat jasoko du.