urteroko zitari eutsiz, Astigarragako nagusienak omenduko ditu Gure Izarra elkarteak bihar, 39garrenez. Hain zuzen, 80 urtetik gorako nagusiak izango dira egun berezi honetako protagonista haundienak.
Diana hasteko, Txirriskla taldearen eskutik
Goizeko 09:30etan hasiko da herria girotzen; orduan aterako baita kalera Txirriskla taldeko txistularien diana.
Musikarekin jarraituko dute festa beranduago ere, eta txaranga aterako da herriko kaleetan zehar 11:30etan hasita.
Ondoren, eguerdi aldera ekingo zaio ekitaldi nagusiari. 12:45etan meza eskainiko du apaizak Txomiñenea frontoian. Eta jarraian, bertan elkartutako nagusiei dantza eta musika emanaldia eskainiko diete, Aiztondo abesbatzaren eta Astigar dantza taldeko kideen eskutik.
Bukaeran Gure Izarra elkartera abiatuko dira denak, bertan izango baita bazkaria eguerdiko 14:30etan. Opariak ere banatuko dituzte bertan, eta festa borobiltzeko, soinu-emanaldia eskainiko dute Alberro anaiek.
39. ZAHARREI OMENALDIA
-09:30etan, Txirriskla taldeko txistularien diana.
-11:30etan, Txaranga.
-12:45etan, meza Txomiñenean.
- Ondoren, Aiztondo abesbatzaren eta Astigar dantza taldeko dantzarien emanaldia.
- 14:30etan bazkaria.
- Eta jarraian, opariak banatzea eta Alberro anaien soinu-emanaldia Gure Izarra elkartean.