Gaur hasiko da hauteskunde kanpaina, gauerdian; eta horren aurretik, batzarra antolatu du Astigarragako EH Bilduk, hurrengo legealdirako programa aurkezteko.
19:30etan hasiko da, Joseba Barandiaran plazan, eguraldi ona eginez gero; bestela, Zipotza elkartean izango da.
Programaren bederatzi lan ildoak aurkeztuko dituzte bertan: «garrantzia berezia hartuko dute hezkuntzak, etxebizitza politikak, kirolak, partehartzeak, eta gazteen eta nerabeen lan esparruak», aurreratu dute.
Horrez gain, apirileko hauteskundeen emaitzen balorazioa ere egingo dute, gaurko batzar horretan. Herritar guztiei egiten die dei partehartzera ekimen desberdinetan.