Gaur egingo dute, maiatzeko Hezkuntza Eskola. Arratsaldeko 18:30etan izango da, ohikoa baino ordubete beranduago, baina betiko tokian, Hernaniko udaletxeko areto nagusian. Eta oraingoan, eskolako patioak birpentsatzea izango da, landuko duten gaia.
Zehazki, gertuko esperientzia bat emango dute ezagutzera, gaurko saioan: Ereñotzuko Txirrita eskolarena. Tabakalerako Aldiriak proiektuaren barruan, eskolako patioa beste modu batera antolatu eta sortu zuten, ikasleekin landuz eta auzolanean gauzatuz. Txirritako ordezkariak izango dira bertan, prozesuaren nondik norakoak azaltzeko.
Saioa irekia izango da, herritar guztientzat; eta bertaratzeko gonbitea luzatu diete, interesa daukatenei. Jakinarazi dute, gainera, zaintza zerbitzua eskainiko dutela, saioak iraun bitartean.