«Datorren legealdian, errealitate izango da gure mankomunitatea»

Agerraldia egin zuten atzo, Lasarte-Orian, EH Bilduren Be­terri-Buruntzako sei alkatega­iek: Xabier Lertxundi (Her­na­ni), Xabier Urdangarin (Asti­ga­rra­ga), Ainara De Miguel (Urnie­ta), An­do­ni Alvarez (Andoain), Jon Martin (Lasarte-Oria), eta Agur­­tzane Solaberrieta (Usurbil).

Eta nabarmendu zuten, da­torren legealdian «errealita­te» izango dela, Beterri-Bu­runtza eskualdeko mankomunitatea: «Araba, Bizkaia eta Gipuz­koa­ko eskualde bakarra gara, ba­tzen gaituen egitura juridiko-administratiborik ez duguna. Baina badira zortzi urte, lanean ari garela Udaletan, es­ku­al­dea batu, kohesionatu eta elkarlanean egitasmo eta jarduerak bideratzen. Legealdi honetan eman ditugu aurreneko pausoak, behingoz, mankomunitatea osatzeko, pleno guztien onarpenarekin».

Zentzu horretan, EH Bilduk «eskualdeak indartzearen eta euren arteko orekaren aldeko apustu argia» egiten duela nabarmendu zuten. Eta bide horretan, adierazi zuten argia izan dela aurreko legealdian, «EH Bilduko alkateen arteko el­karlana; besteak beste, man­ko­munitatea bultzatu, edota au­tobus zerbitzuetako murrizketak salatzeko».

«Eskualdeko herritar guztien beharrei, erantzun berdina»

EH Bilduk azaldu du, hiru he­rri txikik eta hiru haundik osa­tzen dutela eskualdea, baliabide pertsonal, azpiegitura edota zer­bi­tzu desberdinekin... «Man­­­­­­­ko­munitateak, gure es­ku­­aldeko herritar guztien be­ha­rrei, ber­din erantzungo dieten ba­lia­bideak eskainiko dizkie. Gure sei herrietako biz­tan­­leak, mai­la bereko herritarrak izatea dugu helburu, he­rri­tarrak baitira gure politiken erdigune».

EH Bilduk uste du, mankomunitatea «aukera paregabea» dela, Lanbideren enplegu planak herrietara ekartzeko, edo Aldundiak bideratzen dituen egitasmoak edota laguntzak jasotzeko; «azken finean, gure herrietako biztanleak, Gipuz­ko­a­­ko beste eskualdeetakoen pare bizi, eta zerbitzu eta au­kera berdinak izateko».

Herritarren «bizi-kalitatea hobetzea» helburu, tokian to­kiko baliabideak baliatu nahi ditu EH Bilduk, herritarren be­harrei erantzuteko. Eta horretarako, behar haundienak di­tuzten kolektiboen par­te har­tzea bilatuko du, «beren bizi­tzak baldintzatzen eta an­to­la­tzen dituzten politiken di­sei­nu­an», aurreratu du.