Lau zita jarri ditu Astiguneak, maiatzerako. Asteartero elkartuko dira, hilaren 7, 14, 21 eta 28an hain justu; eta bi orduko saioak egingo dituzte arratsaldeko 16:00etatik 18:00etara.
Emakumeak ahalduntzeko gunea da Astigunea: «ahotsa indartu eta trebatzeko bideak landuko dira, mugimendu, komunikazio ez bortitz, erlaxazio eta sormenaren bidez», nabarmendu dute.
Izena emateko aukera dago oraindik ere, doan, Astigarragako Udaleko Berdintasun Sailean. Saioen hizkuntza eleanitza da, eta haurrentzako zaintza zerbitzua eskainiko dute.