Azken txanpan sartuta dago Hernani Eskubaloi Taldea, kategoria ezberdinetan; eta gaur jokatuko dute azkeneko partidua, Udaberriko Txapelketan, mutil jubenilek. Etxean ariko dira, kiroldegian, arratsaldeko 16:30etan hasita; eta badaukate zerbait jokoan: sailkapenean zazpigarren dago Zarautz, eta zortzigarren Hernani; gaur irabaziz gero, aurrea hartuko dio Hernanik, azken sailkapenean.
Onenekin borrokan berriro, neska kadeteen taldea
Neska kadeteek, berriz, azkenaurreko jardunaldia jokatuko dute, 13garrena, Gipuzkoako Txapelketan. Laudio liderraren kontra ariko dira bihar, eguerdiko 12:00etan hasita, La Granja kiroldegian. Aurreko igandean, 18-20 nagusitu ziren hernaniarrak, Tolosa bigarrenaren kantxan, partidu bikaina jokatuta. Beraz, hori errepikatzeko asmoz egingo dute Arabara bidaia.
Eta mutil kadeteek, azkenik, Donibaneren kontra jokatuko dute, atzeratutako partidua, gaur 16:00etan Pasaian.