extremadurako kultura herrian zabaltzeko, jardunaldi berezia antolatzen du, urtero, Donostiako Centro Cultural Extremeñok, Hernaniko Udalaren eta Extremadurako Juntaren laguntzarekin. Gaur emango diote hasiera, hitzaldiarekin.
Ezequiela Albarrán García irakaslearen eskutik, Gabriel y Galán. Un salmantino extremeño hitzaldia izango da. Arratsaldeko 19:30etan izango da, Biteri kultur etxean.
Bihar 13:00etatik aurrera, dantza eta koruen emanaldia izango da, Atsegindegin.
Egun haundia, bihar
Dena den, bihar, igandez izango da egun haundiena, ohi bezala. Goizeko 10:00etan hasiko dira Atsegindegi Extremadurako elementuekin girotzen.
Hasteko, jaki gastronomikoak jarriko dituzte, eta ondoren, 13:00etan, plaza dagoeneko girotuta dagoenean hasiko da dantza eta koruen emanaldia, Virgen de Guadalupe taldearen eskutik.