Berriro ere Beñat Iturrioz hernaniarraren eskutik, Ataun Of The Dead triologiaren azkeneko pelikula aurrestreinatuko dute bihar: Napardeath. Biterin eskainiko dituzte bi saio: aurrenekoa, 19:00etan, eta bigarrena, 20:30etan. Joan nahi duenak, Biteri kultur etxean jaso dezake gonbidapena.
Bi saio eskainiko dituzte: 19:00etan eta 20:30etan.
Festa, Kontrakantxan
Hernaniarrek jositako taldeak egina, Biterin botako dute aurrenekoz Napardeath, baita ospatu ere. Kontrakantxa gaztetxean egingo dute Napardeath festa bi saioen ondoren, The Indezents eta Wolfram Muñagorri musika-jartzaileen laguntzarekin.
Aurrestreinaldia besterik ez da izango hau; Donostiako Antzoki Zaharrean estreinatuko baitute, etzi, 19:00etan.