Nazioarteko Langileen Eguna gaur da eta erreibindikazio eguna izaten da mundu mailan, baita Urumea bailaran ere. Hernaniko Gazte Asanbladak ekitaldi desberdinak antolatu ditu egunaren bueltan eta gaurko deialdia egin dute Donostiako Bulebarrean egingo de manifestaldirako 13:00etan.
ELA eta LABek bakoitzak bere aldetik bina egingo dituzte; Bilbon, Baionan eta Iruñean
Sindikatuek ere deitu dute mobilizaziora. ELAk eta LABek bakoitzak bere aldetik ospatuko dute. Hala, ELAk Bilbon (11:45ean, Jesusen Bihotza) eta Iruñean (12:00etan, Gurutze Plaza) manifestazio bana egingo du Bizitza da lehena lelopean. LABek ere deialdi bikoitza egin du. Alde batetik, Baionan (11:00etan, Santa Ursula plaza) CGT sindikatuarekin eta beste eragile batzuekin batera manifestazioa egingo du, eta bestetik, Iruñean (12:00etan, Gaztelu plaza) egitaraua prestatu du egun osorako. Euskal Herriak erabaki. Kapitala hautsi, bizitzari eutsi lelopean.
CCOOk eta UGTk, deialdi bateratua
CCOOk eta UGTk, aldiz, deialdi bateratua egin dute. EAEn, manifestazio bana egingo dute Bilbon (11:30etan, Jesusen Bihotza), Donostian (12:00etan, Alderdi Eder) eta Vitoria-Gasteizen (12:00etan, Andre Maria Zuriaren plaza). Pertsonak aurretik goiburua aukeratu dute aurten. Nafarroan, Iruñean egingo dute manifestazioa (12:00etan, antzinako autobusen geltokia).
Sindikatu nagusietatik aldenduta, Steilas, ESKek lau hiriburuetan egingo dituzte mobilizazioak eta LSB-USO sindikatuak Bilbon.