Gurutzeta eta Petritegi sagardotegiek lehiatuko dute aurten, final haundian, Sagardoaren Txapelketako garaipena. Izan ere, Ezkurra II eta Garcesek lortu dute bigarren txartela final horretarako. Gurutzetako ordezkariek 40-36 irabazi zieten larunbatean, Urriza eta Zalduari (Gaztañaga). Datorren larunbatean izango dute finala, Segurola eta Endikaren kontra.
Semifinalean, Garces izan zen onena. Defentsan bikain aritu zen, eta erasora pasa zenean ere, ederki asmatu zuen, bai jokoan eta bai saketik: 13 tanto egin zituen; zazpi, sakez.