iganderako plan ederra proposatuko die Patata Tropikala antzerki laborategiak astigartarrei. Antzezleek eta txotxongiloek bat egiten duten Denboraren taupadak ikuskizuna eskainiko dute gaur, arratsaldeko 17:00etan hasita, kultur etxean.
Sarrerak dagoeneko salgai daude www.astigarraga.eus web orrian. Dena den, gaur ere eskuratu ahal izango dira, kultur etxean. Prezioa: 2,5 euro, haurrek; 5 euro, helduek.
Haserreari aurre egitea, erronka
Odei izeneko neskatxa da protagonista, eta lagunekin batera, ingurukoak gaixotasun arraro batetik libratzea du erronka: jendea haserre dabil, eta ia denborarik gabe. Horri aurre egiteko lana hartuko dute, Odei txirularekin, Marik gitarrarekin, eta Permin kale garbitzailea malabareekin.